Қауіпсіздік бәрінен маңызды: Мұхамади Битимовтің еңбек жолы

«Өнеркәсіптік қауіпсіздікте әрбір мәселе маңызды. Ең бастысы — өндірістегі нақты жағдайды көре білу, ықтимал қауіптерді дер кезінде анықтап, апаттық жағдайларға жол бермеу», — дейді Шүлбі СЭС-тің өнеркәсіптік қауіпсіздік жөніндегі техникалық басшысы Мұхамади Битимов.

Мұхамади Битимов электр энергетикасы саласындағы еңбек жолын 2008 жылы бастады. Қазір Шүлбі СЭС-те өнеркәсіптік қауіпсіздік талаптарының сақталуын бақылайды, бұзушылықтарды анықтап, тәуекелдерді талдайды және олардың жойылуын қадағалайды.

Ол өз жұмысында тәжірибесі мен қауіпсіздікті қамтамасыз етудің заманауи тәсілдерін ұштастырады. Станцияда Vision Zero қағидаттары, «Қауіпсіздіктің алтын қағидалары» және цифрлық бақылау жүйелері қолданылады.

«Дегенмен заманауи технологиялардың өзі де қызметкердің жеке жауапкершілігін алмастыра алмайды. Қауіпсіздік — өндірістік үдерістің маңызды бөлігі», - дейді Мұхамади Битимов.